في القصيدة التالية انفرج السبك القوي بالمعنى الأقوى فلم يضعف البناء.. ولم يتشعب المضمون.. أترك لكم الإبحار في معاني هذه الرائعة للشاعر هجاج بن جازي الوسوس:
|
لاهنت.. ياللي تو ماجيت فازع |
شربت مرقها السالفه.. وانتهينا |
يوم الليالي بالوزا.. والتنازع |
ما بنت.. حتى من فزعكم عزينا |
طاح السحاب.. وجيت بالعلم بازع |
اقلط.. على خيرك.. يدينا.. يدينا |
حنا نشوم.. وعزة النفس وازع |
دين.. ورجوله.. بالخوي ما حكينا |
لو سولفوا بك.. فز لك قلب.. جازع |
شيمة عرب.. تفرض حقوقك علينا |
مال الخوي بالقدر والله منازع |
ماكنه إلا أكبر عقب والدينا |
لاشك.. ركبك.. كل مادك.. هازع |
دق الضلوع.. وهدّم اللي بنينا |
حتى ذهيب الهرج.. لك معه نازع |
أصد عنها.. مار عرفٍ تجينا |
ماكنها إلا.. للمعاليق.. مازع |
يا ليت.. بهروج القفأ.. ما درينا |
الأرض نادت للنوى.. والتوازع |
اشمل.. وحنا ترثة الغانمينا |
ولاهنت.. ياللي جيت.. من بعد فازع |
شربت.. مرقها السالفه.. وانتهينا |
هجاج الوسوس |
|
