الوقت قاسي وجرح الحب مكنون |
اشد من حاجة الحال الشقية |
والناس مهما عطيت الناس ينسون |
لو تعطي القلب ما سمي عطية |
والطعنة اللي بنص إلسان ملسون |
أشد من طعنةٍ بالحضرميه |
ولا ينب زعلان مهما قلت وتمون |
ما جيت للمشكلة غصبٍ عليه |
أنا اختياري كذا راضي وممنون |
هذي نتيجة متاهاتٍ غبيه |
آخذ من الدين لأجل أسدد ديون |
حتى تموت الخطية بالخطيه |
سلام يا من خذيت الهون بالهون |
تسليمة نارها ماهيب حيه |
تسليمة نارها في راس غليون |
خيالها ما يعرف الواقعيه |
من الرياض ابتدت والسر مدفون |
حتى تقول الحقيقه بالحويه |
للي سكن بين قلب وجوف وعيون |
وأعلنت حبه على كل البريه |
اللي عطاني بحر وأعطيته لحون |
مسحوبها جاوبته السامريه |
مضمون حبه ولابه شي مصمون |
تجاربي من قضيه في قضيه |
دحيم النومسي |
|
