البارحة يا شعيل يا حيل ابا الحيل |
والعين عن نوم المخاليق فره |
لاجيت اغملج كن فيها سماليل |
كن النويفج لايعة عقب ذره |
بالهجس والهاجوس والعدل والميل |
وابلاش مالي به بلتني بشره |
لا اقفت نجوم الليل مثل القناديل |
أرقى على المرقاب نثر المجره |
وادنيت محماسٍ وبالكف له ميل |
برية من سوق صنعا مقره |
لاجت تقاود بين رقط الفناجيل |
دولابها كنك بسلك تجره |
واخذت من كاس الشكر كثر ما قيل |
ثلاثة والتتن نفتش مصره |
وبديت ما يكوي الجروح المغاليل |
يطفي حرار الكبد لوبه مضره |
وغديت مثل مدوه الرجم بالليل |
دليلٍ قوم ضيعته المغره |
الله يعدلها عن الضلع والميل |
والا يميلها على الناس مره |
خضير الصعيليك |
|
