سلام الله على الساحة سلام الله على الجمهور

سلام من صميم القلب والنيه على النيه

بعد ما جيت في وسط السرا وامشي بحسب الدور

يقدمني قصيدي ما يبي رشوة وبرقيه

وانا ما جيت ادغدغ في مشاعر ناصر ومنصور

ولا هي وسط قاموسي من الواحد إلى الميه

على وضح النقا والقلب طاهر والنوايا نور

واحاول ما اجزي السيه ليا اضطريت بالسيه

طبيعه ما أبحث الخافي واخل الطابق المستور

واخبر الداب وشجرته ولا أجهل لدغة الحيه

ولا عندي وما عندي على الزله سوى مشكور

ولا هي حركت شعره عشان تحرك يديه

ما دام ان العلم رفرف فانا مع وجهة الطابور

جنوبية جنوبية شماليه شماليه

اعشق الشعر من صغري واحب الشاعر المشهور

ولا اهضم في حقوق الناس والأوراق مطوية

ويعجبني ولا يعجبني الاعلام والمنشور

عزاي ان القصايد بين مسموعه ومقريه

عزايه يوم اغني واتغزل فالعيون الحور

لاشاب القاف في ذيه وسمت القاف في ذيه

اهوبل لا ارتكى رمشه على خده ما هو مجبور

واقول ارفق عليه شوي حتى يرفق شويه

يشوش القلب لا منه طرالي والحشا مسبور

اخل الواقع لناسه واعيش احلام ورديه

تغلغل في ضميري وانتشر في قلبي المعذور

وينبض بالغلا صدري من الطيه إلى الطيه

على شانه تعلمت العب المسحوب والمشقور

وعلى شانه وقفت اكتب ما بين الشمس والفيه

وعلى فزعة قصيدي لا لفاني قلت له ماجور

اغني لاطفشت من الزعل (يابنت مرعيه)

مشعل الحريص

صفحة الجزيرة الرئيسية

رأي الجزيرة