لضاق صدرك من تصاريف دنياك
|
وصارت حمولك كايدات ثقالي
|
ساير امورك واكتم الهم بخفاك
|
اصبر وخلك راسي كالجبالي
|
ولا يهمك هرج نمام كلاك
|
الضايعين مجمعين الحثالي
|
وغبر الليالي والدهر لو تحداك
|
بين عليك اثلوم قشر تلالي
|
ويفرح عدوك والبلاوي تبلواك
|
ويرتاح لاكثرت عليك الشكالي
|
لشان وقتك سايره لو ما ارضاك
|
ريح ضميرك واحسب المرحالي
|
وعز الصديق اللي يعزك ويدراك
|
ورافق من الاجواد ذيب العيالي
|
يصير عون لك على الضد لاجاك
|
لابان من بغض القلوب الخمالي
|
اللي عوايدهم باللوازيم يجفاك
|
اهل الطبايع والفعال الهزالي
|
يا ضايع من بين صادق ونماك
|
ترى رجال الطيب ما هم سفالي
|
لا تعرض بنفسك مهونات واهلاك
|
اليا طميت ارد القراح الزلالي
|
والنفس عزها عن اللي ما يبغاك
|
لو كان من عيال عم وخوالي
|
والرزق عند اللي من الطين سواك
|
على الله الوالي عزيز الجلالي
|
سلطان مطلق الغرابي الحربي |
|
