لا والذي صوّرْك مالاق للعين |
غيرك ولا سوّى بي احدٍ سواتك |
انت الذي حطّيت بالجوف رمحين |
رمح العيون ورمح وردي شفاتك |
وانت الذي زيّنت يا غاية الزّين |
حياتي اللي نورها من حياتك |
احب فيك الحب يا جامع اثنين |
الزين وطبوعٍ تكمّل حلاتك |
واحب فيك العطف واللطف واللين |
واحب فيك رضاك عقب زعلاتك |
واحب هاك الجيد بين الجديلين |
واحب ما تخفيه طرقة غطاتك |
يا جارح المجروح لا تودع البين |
يقضي عليّ بغيبتك وسفراتك |
خالد الفيصل |
|
