يا كثر ناسٍ همّها البيع والسوم |
ناسٍ بنت فوق الشماته مراقيب |
ويا قل ناسٍ بفزعة القوم |
ناسٍ تفز بطولها فزة الذيب |
عد المراجل بين الأول وذاليوم |
واخصم من التاريخ راع العذاريب |
شخصٍ تعده نشمي وفارس لزوم |
وشخصٍ فعوله كلها شيٍ مريب |
المرجله بين العرب عرف وسلوم |
عقلٍ كبيرٍ ولو نخيته لك يجيب |
ماهيب رزه وقولة الناس مرسوم |
الناس بكره في يديها مخاليب |
لا تأمن الكلمه إذا القلب معدوم |
البعض يضحك لكن بداخله عيب |
هذا يدور زلة الخلق مذموم |
وهذا دروبه من فعوله به تخيب |
طبع النذل من فايح الطيب محروم |
والحر نفسه عطرها دايم الطيب |
يا خوي كانك تعبد الله وتصوم |
افهم كلامي قبل ما راسك يشيب |
لا تقول بنت وهرجها هرج مزعوم |
صحيح بنت ولكن حروفي تصيب |
حنان آل فاضل /أبها |
|
