اعيش في حال عسى الله يسويه |
حالٍ ما ينفع فيه كثر العزاوي |
ما هو بحال إلي شكى بعد غاليه |
اعيش ظيم ايام ماني هواوي |
حال يحل الحال وابديه واخفيه |
كني من الخلان عايش خلاوي |
وتدور في راسي كبار المشاريه |
ويصير ملفاها صغار الهقاوي |
واظن في رجال واروح ناصيه |
وابدي عليه الحال وانا رجاوي |
واشره على نفسي اليا قمة احاكيه |
فكره عن الشرهه بعيد ونحاوي |
وين الصديق الي بليا اناجيه |
من خاطري يدري وش الصدر حاوي |
نبيه ما يحتاج فطنه وتنبيه |
يطلع على الواجب طلوع النداوي |
بما حازت افكاره وما حازت يديه |
اليا لاح مضراب الهدف ما يراوي |
ما هو ضعيف يمش دمعه بكفيه |
له همة تنطح كبار البلاوي |
ولا هي خليه واحد وين الاقيه |
واحد وبين الناس مثل الجلاوي |
يقوم بالواجب وكل يخطيه |
عايش بغربه بين جند عماوي |
جند على قل المروه يوصيه |
وطبيعته لطبوعهم ما تخاوي |
وارجع واقول الحال لله مشاكيه |
انا عن المعبود ماني غناوي |
له فزعة ترسل لعبده وتغنيه |
عن فزعة الي فزعته ما تداوي |
شباب محمد السليمي |
|
