سلام الله سلام فيه ترجح كفة الميزان
|
سلام سامي فوق المجره يسحب ردونه
|
سلام الله سلام فيه مسك وعنبر وريحان
|
سلام قاله الشاعر وعبر به عن شجونه
|
هلا بكل الوفود اللي تمثل درة الاوطان
|
هلا عدّ السحاب اللي يشع البرق بمزونه
|
هلا بالزلفي اللي من كرمها تكرم الضيفان
|
هلا ترحيبة تبقى لكم بالشوق مرهونه
|
والا يا مرحبا واهلا هلا من صادق الوجدان
|
هلا وقدومكم فرحة بدت ما هيب مكنونه
|
هلا بحايل واهل حايل هلا في ربعنا القصمان
|
وهلا بالجوف ومحايل بها حسن يذكرونه
|
هلا بسدير وأهل المجمعة والنعم بالجيران
|
وهلا برفحا وأهل رفحا كرمهم تدني غصونه
|
هلا بأهل القريات العزيزة قلتها طربان
|
وهلا بالليث والا الخرج ياقف هرجنا دونه
|
أرحب بالجميع وكلهم من صفوة الاخوان
|
أرحب فيهم بقاف القصيدة وانثر فنونه
|
بكم يا أحبا بنا طل السحاب وهلت الامزان
|
وبكم طير السعد غنى وسجع في أعذب لحونه
|
بعد هذا أبرحب برجل للوفا عنوان
|
مدير التربية بمحافظتنا أنتم تعرفونه
|
رجل معروف بأخلاصه ومن لا يعرف العمران
|
رجل نجاحه مسطر هل التعليم يروونه
|
مدير التربية بمحافظتنا سيد الربان
|
ابن عمران له أفكار بالتجديد مصيونه
|
مدير التربية معنا ويعمل داخل الميدان
|
أبو عبدالله جهوده بطيب الذات مقرونه
|
إدارتنا تباهي به وتلبس لاجله التيجان
|
ويحق الها تباهي به وتخلص له ولا تخونه
|
أقدم له تحياتي مع التقدير والعرفان
|
وكل حضور حفلتنا على إخلاصه يشكرونه
|
مدير التربية ومساعده هم ندرة الشبان
|
لهم تقديري الخالص ومدحي يستحقونه
|
وابرفع صوتي بقافي هلا حييت يا الصقهان
|
هلا بالمشرف اللي بالعمل ما ترمش عيونه
|
حضوره زادنا فرحة وسطرنا به القيفان
|
لأنه رجل يضحي وفيه الطيب تلقونه
|
وبعد قسم النشاط أبشكره بقيادة سليمان
|
وكل المشرفين اللي بهم ما خابت ظنونه
|
قسم يعمل وباعماله له الله ما بدا نقصان
|
قسم يعمل بصمت وزاد بالانجاز مخزونه
|
وجريدتنا الجزيرة ذكرها تسعى به الركبان
|
لها ذكر سطع واهل الصحافة ما يجارونه
|
نقدم شكرنا لأغلى جريدة والغلا برهان
|
وهي ترعى بطولتنا وهي بالصدق مامونه
|
لها فرع بديرتنا تميز والفخر نيشان
|
جريدة غالية فيه عقول الناس مفتونه
|
وفيها العنقري حمد وجهده بالتميز بان
|
ويشهد ملحق الزلفي بجهد اللي يعدونه
|
وصلاة الله على الهادي وهو سيد ولد عدنان
|
عدد زوار بيت الله وفرض به يصلونه
|
عطا الله بن سليمان العطا الله -محافظة الزلفي |
|
