للحين للحين.. ما زلتي على بالي |
ما ادري انا ليه اروح اروح.. وأرجع لك |
احترت يا غاليه باحساسك الغالي |
ما بين كثر الجروح وقلب يشفع لك |
ما ادري وش الحل لا راضي ولا سالي |
إلى متى لاهيه والشوق خاضع لك |
ذكرى لياليك تحيي ميت آمالي |
واحس بك واتغنى فيك واسمع لك |
ما اقول قلبي على الاحباب متعالي |
المسألة كل ما فيني تواضع لك |
لا تسأليني وانا احبك عن احوالي |
الروح تنبض غلا والعين تدمع لك |
شفتك بقلبي وشفت افراحي اقبالي |
وقلتي لي انك بخير وقلت.. يا جعلك |
اشكي.. وتشكين من بعدي وترحالي |
قلتي على مين طالع قلت طالع لك |
يا سالفة عشق اسولفها وانا لحالي |
يرضيك لو قلت.. هذا الحزن من فعلك؟ |
يا حبي الأول ويا حبي التالي |
عرفت انا ليه اروح اروح.. وأرجع لك |
سعد آل سعود |
|
