يا ما حلا والمزن جانا مروح |
يبرق ويرعد والهبايب تسوقه |
حس الرعد فيها تزلزل وطوح |
مزن من القبلة تكاشف بروقه |
أسج رجلي في خلاها وأسوح |
نفسي على شوف الصحاري شفوقه |
أرجي متى عشب الخباري يفوح |
في خايع ما دوج الزول فوقه |
أشوف من قلبي بفرقاه موح |
الجادل اللي شوقتني طروقه |
لاقام يقطف وردها ويتروح |
هذا صبوح المستهام وغبوقه |
يستر قلب فوقه الهم كوح |
وعين يهملان العباير دفوقه |
يا ما على شأنه بديت المشوح |
وعبرات قلبي بالضمير مخنوقه |
أزعج بعال الصوت لجله وأطوح |
كبدي عليه من الفراق محروقه |
من العزا قلبي على الترف بوح |
بعد الحبيب هو عذابه وعوقه |
والعين من فرقاه دايم تنوح |
زرق على خد المشقى سبوقه |
إدلال قلبي من غرامه تفوح |
حبه جرى بالدم مجرى عروقه |
حبه كما طير على القلب لوح |
ينل قلبي والحنايا سبوقه |
بدر الدجى لابان نوره وضوح |
يطري على اى برى الحال شوقه |
حسبي على من تل قلبي وروح |
وش لي بسلم الود طبيت سوقه |
هزاع محمد العتيبي |
|
