هذه القصيدة في وفاة الشاعر الكبير صياف بن عواد الحربي
|
رحمه الله رحمة واسعة وأسكنه فسيح جناته.
|
الحزن بين الناس بانت بواديه |
والعين هلت بالدموع الغزيرات |
حدث كبير وكل شخص درى فيه |
وفاة ابن عواد راع المهمات |
مرحوم ياللي للفضائل مماشيه |
سج قدمه للخير مرة ومرات |
اللي على المعروف سيس مبانيه |
وعلى الوفا والطيب سوا علاقات |
صياف ابن عواد لاحل طاريه |
قلنا لعله فالجنان الوسيعات |
يالله ياللي كل مخلوق يرجيه |
يا واحدن عالم جميع الخفيات |
تفسح بقبر يالهي سكن فيه |
وفي جنة الفردوس يلقى الكرامات |
ومفلح ولد صياف حنا نعزيه |
ونعزي الأخوة وكل القرابات |
واللي انكتب للعبد لابد يأتيه |
والحكم للي فوق سبع السماوات |
والعبد مهما يعيش فالموت قافيه |
ولابد من يوم يقولون العرب مات |
والمسعد اللي يحسب حساب تاليه |
في يوم تظهر له جميع الحسابات |
وآخر كلامي قبل ماختمه وأنهيه |
صلاة ربي عد صرف الريالات |
على رسول الله محمد وهاديه |
شفيعنا في يوم كشف السجلات |
سعود جبارة سليمان البرقاني |
محافظة أملج |
|
