الله يجازي من تسبب بفرقاك |
وشلون يتجرى كدّا شخص يمنعك |
عندي قناعة تسمع اللي تمناك |
ما أظن تقنعني وأنا واثق أقنعك |
البيت بيتك يا هلابك وحياك |
إن ما وسعك البيت لي عين تاسعك |
أنت القمر والكون كله تحراك |
أنت القمر من مايبي شوف مطلعك |
مال الدلع والشوق داعي بلياك |
ماله طعم من غير نكهة تدلعك |
سعادتي (شوفك) و(صوتك) و(طرياك) |
وين السعادة وأنت ما عاد نسمعك |
عسى السعادة كل لحظة بدنياك |
ما يهم حزني كل همي تمتعك |
المشكلة ما هي بشوفك ولقياك |
المشكلة بعد اللقا كيف أودعك |
الحل واحد يقضي العمر وياك |
تبقى معي ولا ترى رايح أتبعك |
آمر تدلل يا عسى الروح تفداك |
آمر تدلل لو تبي موتي أسمعك |
إلا كلام الغير تكفى أترجاك |
ما راح ينفعني ولا راح ينفعك |
إن كان تبغى شي يثبت لك إرضاك |
آمر تدلل شوفني كيف أطاوعك |
عندي أمل مادامني صادق أهواك |
اللي عطاك الحب قادر يرجعك |
والله يجازي من يقول إني أنساك |
أنا اعترافي مالي القدره أمنعك |
إبراهيم ظويهر السناني - تبوك |
|
