طاب المساء للقصيد وجيت متوله

مدفوع من هاجس بالقلب يسعا به

مدفوع من هاجسٍ جاد وتمثل له

واستسلم القاف له يقطف من إعذابه

والشعر كيفاً ألياً جهزته أزله

واقدمه للنشاما بعد ترحابه

دامي على ارضيتن ماهيب مختله

للعز أبا ارقى سنود وأبلغ أسبابه

وإذا سأل عني اللي ما ورى غله

فأنا شمالي رفيع الذات واللابه

تسعى ركابي لضرب المجد وتدله

وبخادم البيت شعري ينثر أطيابه

ملك رضا الله عليه ولا أحداً إمله

ومن لطف نفسه دوام إمشرعاً بابه

حيا الله اللي بيوت الشعر يرسن له

كما رست في طويق العارض أهضابه

سلام له من صميم القلب ياصل له

به فرحة اللي فرح في شوف غيابه

ومثلك يصير الغلاء بالقلب حكراً له

ويرقى بك الشعر فوق ويفتق إحجابه

ما ودي أقولها أكحيلان وصفاً له

لكن أكحيلان يوصف به ويزها به

ملك على الكل حيداً ضافياً ظله

يلجى له اللي شكاه الحره ويهنا به

وإن جت على العز سوراً حامياً حله

لا كلش النذل وأبدى كالح أنيابه

من منبع المجد ساسه والكرم كله

ولا للفخر ثوب إلا هو وهو من أثيابه

حتى الوفا دايماً مولاي مدهل له

وإسم الشهامة إيعود له بمنسابه

وإن كان رمز الكرم عند العرب دله

فأنت الكرم للعرب والكل يدري به

وجه السعد، والوفاء والطيب تحتله

ما هو بقوة جيوش وشلة إعصابه

إلا بخلقٍ رفيع زان هالطله

فيك اجتمع كل خيراً تاه طلابه

ومن كان (معزي) أبوه وهو فرعاً له

يجي على أبوه ويضمه بجلبابه

وأنا اللي ودي أقوله وأتوصل له

إنك على أبوك فعل وطبع ومشابه

(عبدالعزيز) وعسى الفردوس فالاً له

مع النبي يرفعه ربي مع احبابه

حراً رفع دولته من حالة الذلة

وخلف حراراً إي والله خلف إذيابه

الكل من سليم الرأي والمله

شعب السعودي يعده أقرب أقرابه

(وعبدالله) المشتهر في دقه وجله

على التواضع (أبو متعب) طوى كتابه

وإن عودت للمديح وقول حيا الله

يكفيه بالقول إن المدح يعلا به

وبه خِلةٍ حطها الله حي من خِله

من التواضع تحسب إنه من اصحابه

(وسلطان) ساس العطا ولي عهداً له

من يجهله نجهله ولا انتقدابه

لا جاء اللزوم (الجزوم) المجد عضداً له

ينهي وجود العدو قبل اتعشابه

ما كِن (أبوخالد) إلا دوحه إمطله

وكفه كما مزنةٍ بالوسم سكابه

يا سيدي والشعر نكشف لك إسجله

أميرنا بالغلا ما نلحق إنصابه

(فهد) أمير البلد والقلب منزل له

بالعدل والطيب له إتشير سبابه

ألاوى الكبود العطاش وجات مبتله

واسعد هل الجوف شبابه وشيابه

حياك سيدي والقلب لك فله

عوض طموح البلد عن ماضي إجدابه

والجوف حيتك يا مولاي (عبدالله)

يا خادم البيت والمسجد ومحرابه

وأنورت بالجوف وأنت أنوارك إمطله

بقلوبنا (يا حبيب الشعب) شبابه

بأول زيارة ولدارك تبري العله

نهدي لك أبيوت في هيبتك جذابه

ونحمل لك الشوق حمل الورد بالسله

من روض صدراً فؤاده تملك إعجابه

يا سيدي لو كشفت الغيب وتفله

غلاك عالي مع أهل الجوف منسابه

شفت دارنا من فرحها فيك منهله

متواصلة في فرحها كنها غابه

نرفض معك طغمة الإرهاب والقله

وناقف معك ضدهم بالفعل ونجابه

ما للخسيس النذل ببلادنا شله

لو قالوا إسلام! قلنا ناس كذابه

ما هم من أرض السعودية أبداً لله

هذول شله.. إبليس أعطاهم إخطابه

يا الله يا الله إتدمر ناساً إمضله

وتحمي الوطن من لو الجو لترابه

وأنا أتمنى إن قولي ما به الزله

حيث الشعر هو شعور اللي تمعنا به

وأختم قصيدي بقولة فيك حيالله

والا انت أكبر من المادح وما جابه

الشاعر: جاسر غضيان الشراري /طبرجل

صفحة الجزيرة الرئيسية

رأي الجزيرة