أبتدي باسم العظيم الحي ما غيره يدوم

العزيز اللي لبيته كلنا نشد الرحال

الأله اللي لأمره كلنا نصلي ونصوم

العليم اللي بأمره كل كوكب له مجال

وبعده نصلي على اللي مرسل بخير العلوم

أرسله ربه يبِّين الحرام من الحلال

ثم أرحب بالذي من هيبته كل يقوم

أبلوياً عن بلي يقولها بأغلى احتفال

مرحبا باللي تعلا واعتلى عند النجوم

المليك اللي كلامه فعل واليا قال قال

مرحبا باللي بوسط الشعب بالقدر محشوم

المليك اللي تعوَّد حمل صعبات الثقال

مرحبا باللي مقامه فوق هامات الغيوم

مرحبا به عد ما ذعذع هبوب من الشمال

مرحبا به من بداية رحلته حتى القدوم

مرحبا به عد براقاً لمع في كل جال

الزعيم اللي أنتثر خيره كل العموم

الأصيل اللي مجوَّد من عمام ومن خوال

المليك اللي لخير الشعب يأمر كل يوم

المليك اللي حكم بالشرع قول وأمتثال

العطوف اللي وهب له خالقه قلب رحوم

الكريم اللي رفع شعبه الغايات الكمال

أبن صقراً عادته بالحرب يقود الهجوم

معزي اللي لارسى يرسي كا ترسي الجبال

الإمام اللي قسى لآجل الوطن برد وسموم

الشجاع اللي شهدت ماضيه ساحات القتال

الشجاع اللي استرد الملك بعفت عن الخشوم

راعي السيف الحدب به طوع عصاه الرجال

أخوياه من النشاما ما ختلط فيهم ارخوم

قادهم صقر الجزيره بنصر به نال المنال

ومرحباً باللي أخضعت من ضربته كل الخصوم

الأمير اللي نحبه طال عمر الشيخ طال

العضيد لخادم البيتين اليا بان اللزوم

فيه حلم وفيه صبر وفيه قوة واحتمال

ومرحبا بقائد آمن المملكة نسل القروم

حامي حدود الوطن عن كل إرهاب وضلال

كل فرد بها الوطن بالأمن عايش ومخدوم

بفضل نايف هالوطن بالأمن مضرب للمثال

في وطنا ما نفرق بين حاكمٍ ومحكوم

نسأل اللّه يحفظ الدوله ولا لغيره سؤال

وختمها على نبياً طاهراً شهم معصوم

الصلاه من الذي في خلقه أبداع وجمال

صفحة الجزيرة الرئيسية

رأي الجزيرة