مرثية في الفقيد الشيخ فالح بن صلبي الحربي رحمه الله رحمة واسعة وأسكنه فسيح جناته..
|
يا فالح الحربي خذتك المقادير |
واللي كتب لك يا أبيض الوجه جالك |
اقفيت عنا مثل ما يقفي الطير |
راعية شفق ودونه الليل حالك |
اقفيت يا ريف الرجال المناعير |
يا ليتها مهلتلك ليالك |
الله يا دنيا التعب والمخاسير |
يا ليت فالح سالم من حبالك |
رحتي برجل لاح في وجهه الخير |
دربه على الناموس واضح وسالك |
ريف الخوي وريف الرجال المسايير |
ريفٍ لمن جاله في الوقت هالك |
تلقى النشاما عند بيته طوابير |
بيتٍ لباجيته على كيف بالك |
بيتٍ فتح بابه بوجه الخطاطير |
يشهد علي بالقول صفت دلالك |
وقت العناء ثابت مثل ضلعة النير |
باللازمة يا طا الخطر والمهالك |
أنا يا أبو سلطان دمعي حوادير |
حزين يوم غاب عنا خيالك |
أدلة الخاطر بكثر التعابير |
وفجأة كأنني واقف في قبالك |
فقيدتك ما هي الحرب البواتير |
حنا شكينا مثل شكوى خوانك |
وذودك حنينه بالضلوع المهاشير |
لو يفتهم من كبر همه بكالك |
الناقة الوضحى شكت للمعاشير |
وحيرانها تشكي في اللي جرالك |
الذود عقبك صاير به عواثير |
لونت حي جالكم وأشتكالك |
فقدك خساره يا بعيد المشاوير |
صار الأمل بقاربك مع عيالك |
الله يبيحك يا رفيق المشاهير |
يا فزعة الأقراب واللي عنالك |
عساك في جنان عدن المخاضير |
تحشر بزمرة الذكر مالك |
وصلاة ربي عد نبت النواوير |
عليك يا شافع وصحبك وآله |
حمدان ضحوي العديم الشمري |
|
