بلغ اللي كل يوم يقابلنا بثوب
|
ما يخدرنا كلامه مع من خدره
|
لا بغينا اللعب نزحف مع الجو اللعوب
|
وان هبطنا سوق طيب خذينا ندره
|
والتجارب عرفتنا الصدوق من الكذوب
|
والجبل لا سال نبته يجي بمغدره
|
ولا تجيك الحصبه إلا من فراش محصوب
|
وحبة الجدري تجي من فراش مجدره
|
المحب اذنيه ما هيب تسمع للعيوب
|
والعدو لا درهمت به تجي متحدره
|
دامت الاخلاق يملك بها الواحد شعوب
|
ياجب انها في جميع الامور مبدره
|
وان لقيناها طويله وموخرها سحوب
|
والمرض فيها فحوله تهيج فدره
|
ان قدرنا نقفل الباب من دون الهبوب
|
والا جا درب لنا والقني مسدره
|
الاصايل كل يوم تلافح بالكعوب
|
والردي لاعين اللي يهينه قدره
|
ولا تعرف احسابك الا ليا جيت محسوب
|
شرهة القادر على العالم المتقدره
|
المقبل تنفتح له دواليب القلوب
|
والمقفي قلعة الوادرين تودره
|
سعد بن جدلان |
|
