يا شيخ أنا عندي بيوت عللها |
وافطن لها حيثك للأمثال حلال |
عيني سهيره نومها ما دخلها |
وقلبي على جمر الغضا له تولوال |
بعض العرب يا شيخ زين حيلها |
اصحا ورد الروع في بعض الأزوال |
وبعض العرب للنايبه ما حملها |
ولاكل رجال يعوضك برجال |
ثلاث شايات على غير أهلها |
الجوخ والدسمال والثالث الشال |
واللي ليا جا الخيل عنكم عدلها |
ما يلبس إلا من هداريس الأسمال |
نفسي زعول وخايف من زعلها |
تهوم هومات عريضات وطوال |
ونفس الفتى لابدها من جهلها |
واضاف ترميبي على بعض الأحوال |
لاجات خطو ساعة ما بدلها |
كم واحد دلوه رماها على الجال |
يوم الردي لاشاف خوف شقلها |
اقفا تقمز مع روس الاقذال |
نومان الحسيني |
|
