لعل (أبو متعب) على الحق منصور
|
وعصاه تفلق قدم وجهه دروبه
|
قائد هل التوحيد. في موكب النور
|
حامي حما الإسلام. صقر العروبه
|
في بطن من جابه قضى تسعة أشهور
|
وف اقلوب شعبه لين تفنى قلوبه
|
فالشر رمح. وحزة الخير باكور
|
أصغر حساناته. هي أكبر ذنوبه
|
مثل الجبل بس الحيا فيه مذكور
|
مثل البحر بس يختلف بالعذوبه
|
لا حل دار صار بالخير مغمور
|
ومنه الفقر ما يملك إلا هروبه
|
واضحت بلدنا كنها جنة الحور
|
حريمة منها وحدها عقوبه
|
وغنى الوطن له سامريه ومجرور
|
دحّه شماله جنب عرضة جنوبه
|
وحنا وراء سور الوطن للوطن سور
|
والحكم راسخ والبلاد ميهوبه
|
والامن شاع وفكر الإرهاب محصور
|
جفّت ينابيعه وقرّب نضوبه
|
ما تنبلع فالكبد مع كل حنجور
|
يسفك دم المسلم ويرج المثوبه
|
يهدم ولو قلت ابن ما كان معمور
|
ما حط طوبه صح من فوق طوبه
|
واخر دليل يقدمه شاهد الزور
|
في عهد (عبدالله) يواجه صعوبه
|
للدار دور وقايد الدار له دور
|
بحرٍ تماشى موجته مع هبوبه
|
في حب (أبو متعب) نعم نقبل الشور
|
حبٍ وصلنا قبل ننحاز صوبه
|
ابحث عن الغياب في قلبه احضور
|
ابعدهم اللي قرب بشته وثوبه
|
يقولها من صادق احساس وشعور
|
مواطن ما قابله غير نوبه
|
خالد البقمي |
|
