سمعت لي كلمة مدري ويش أقصاها

حزّت بصدري وأنا ماني بهارجها

لو كل كلمة اليا جتنا طردناها

بعنا الثمينة بسعر ما يخارجها

لو مرت السمع ما كنا سمعناها

ونقفّل الرأس عنها لا يبرمجها

ومن يم هذا لهذا ما نقلناها

والناس واجد وتلقى من يروجها

من جابها بين خلق الله ووداها

لو به مراجل ترى نفسه يسمجها

من عامل الناس في سابق خطاياها

يقعد بدار خلا ما داج دايجها

في كنّة تشوي الجربوع رمضاها

تيبس غصون الشجر من حر واجها

والناس بالحق حكم الشيخ ما رضاها

ما ترضي الناس لو إنك تحججها

يا اللي تبي الطيبة خذها وعطناها

وخل الطرية طرية لا تثلجها

واقضب طريق الأوادم وامش ممشاها

اتبع دروب العرب وادرج مدارجها

وارسم لنفسك حدود لا تعداها

من حط نفسه بدرب الضيق يحرجها

وإن كان نفسك هواها قام ينحاها

حط الأعنّة برووس الخيل واسرجها

وفكّر بمنكافها قدام مغزاها

واضرب حساباتها وتشوف ناتجها

أحدها يم السعة وتنحر القوم

تبي مراكيض عليها مضراه

وأنا بظهرها ناشب كنّي البوم

ماني من اللي تدفق الدم يمناه

تصلح لابو عباس مذهب صغا القوم

يفداه من مثلي يخصف حكاياه

وأخو هوى يلوذ به كل مضيوم

وامدح جديع الذايدي فوق شقراه

صفحة الجزيرة الرئيسية

رأي الجزيرة