سلامتك يا ليت ما جاك فيني |
لا تحسبني يا ريش العين مرتاح |
البارحة والنوم عيا يجيني |
ما تدري إن البعد يا زين ذباح |
تكفى دخيلك لا تزود حنيني |
ما راح راح وما بقى شيء ما راح |
ما بقى إلا فيك أبيح كنيني |
وأقول يا هل الخير في صدري رماح |
السالفة وصلت لحبل الوتيني |
بيني وبين أم عادل الروح مشواح |
طال السفر والبعد بينك وبيني |
قرة عيوني لا نويتوا بمرواح |
أبيك والله وادري أنك تبيني |
طلت جبينك تشبه البرق لا لاح |
انته أمل روحي وباقي سنيني |
يا معذب قلبي ترى البعد فضاح |
إن كان قلبك يا الغضي مهتويني |
لا تلعب بقلبي كما لعب مسباح |
شافي بن عبدالهادي بن راجس |
|
