يالله يا منشي حقوق المخاييل

يا منتهى الشكوى لكل المطاليب

يا مذهب جيل ويا منشي جيل

علمك احاط ببيّن الامر والغيب

تبقى لنا اللي ينقل الحمل بالحيل

ليا شان نطق معكرين المشاريب

ينطح صعيبات الامور المقابيل

لا يلحقه شك ولا يدخله ريب

عقل يفوق عقول كل الرياجيل

ما له منافس بالسياسه وبالطيب

بسياسته دايم على خصمه الميل

وبالصمت والحكمه يهدى الاصاعيب

نايف سديد الراي حازم وحلحيل

موقعين اعداه قبل الاصاحيب

درع الوطن عن كل عايل وعن ميل

ابو سعود مكمل للمواجيب

حلحيل ما تدخل عليه المداخيل

مفراص ماص يفك كل اللواليب

نايف وهو نايف صعيب المناويل

هو مصدر الحكمه وخالِ من العيب

نايف حكيم يقابل الكيل بالكيل

وليا تكلم هز كل المناديب

سياسته ما هي بهذر ودهاويل

تدخل عقول اللي لهم فكر ومصيب

وغيثٍ ليا صدق وصب الهماليل

يشبك زهر عشب السهل والنبانيب

عساه يبطى حي جيل بعد جيل

ويسلم لنا نايف عطيب المضاريب

حكامنا واهل السيوف المصاقيل

ولنا الفخر في قولة النا معازيب

عبد الرحمن بن ماجد الذويبي

عقيد متقاعد

صفحة الجزيرة الرئيسية

رأي الجزيرة