التايه اللي جاب بصري يقنه |
جداد جروح العُوّد والعُوّد قاضي |
جينا نحب ونطلب الله جنه |
جنة نعيمٍ يوم يابس الحاضي |
يا من يعاوني على وصف كنه |
اشقح شقاح ولاهقٍ بالبياضي |
لا ريحةٍ قشرا ولا هي مصنه |
ريح النفل بمطمطمات القياضي |
والخد ذابوح القلوب المرنه |
براق مزنٍ لاعج أللون ياضي |
يا ليت لو سني على وقم سنه |
بأيام ما بيني وبينه بغاضي |
أيام جلد الذيب عندي محنه |
نصبح وزرق الريش لهن انتفاضي |
واجرح قلبي جرح وادٍ وطنه |
غر المزون اللي وطنه وفاضي |
والبيض قبلي محسنٍ عذبنه |
ونمرٍ على وضحا جرا له عراضي |
والبيض كمٍ من واحدٍ يبسنه |
يبسة شماشيل العذوق النفاضي |
عزي لمن غر الثنادي كونه |
واركن على كبده كُويّ اعراضي |
واين انت يا مشفى على طردهنه |
انا طويت ارشاي واقفيت قاضي |
أحدٍ يطيح بنار وأحد يجنه |
وترى الحظيظ اللي له الرب راضي |
بصري الوضيحي |
|
