ياالله ياللي للخفيات علام

تلطف بحال اللي مقل ومديون

تفرج لقلب داخله هم وهيام

يمشي كذا والناس ما عنه يدرون

لاناموا الاجواد بالليل مانام

متواردٍ قلبي دواكيك وغبون

سبحان من بيديه تصريف الافلاك

مسنعن خلقه برزاق وجنوس

يالعبد لاتشمت نصيبك بدنياك

دنيا تهيل العقل بالحوس والدوس

لو هو رفيق اما طمع فيك عاداك

يصد عنك بلطمته تقل مضروس

أبا انصحك يانفس بكثر الشقا مغرات

عسى تقنعين وكد فنى قبلك اجيالي

انا يوم اصنف واتندم على مافات

اشوف الكسافه ثم ينغث به بالي

ولا يدله الا واحدٍ مثل قلب الشاة

وهي تتبع الجزار من حيث مامالي

ارجال الشكاله يوم تاخذ بها سجات

ولالي مرام غير ماغير احوالي

اهل هالزمان اليوم ماغير هات وهات

حصيلك مخافه غير مايحبط اعمالي

ترى قربك للاخيار خير واربح

وتقص الاثاري والامور عيان

وترى قربك الشر شر تقع به

ولو لاق لك باب الهوان هوان

يورون لك نار المحبه وراهم

ولابد يظهر لك غموس بيان

ما يجتمع مع الشكاله رزاله

ولا يجتمع بالقلب دين وضلالي

ويقول من قصيدة أخرى:

مكاسب الدنيا بهن هبة الريح

وبالآخره ماقدم المرء يلقاه

اما ضحك مستبشر بالمصابيح

والا عليه النص نعوذ بالله

ومال الردي لو فاض فوق الجوابيح

ما قيل نعم في بزين بابه ومبناه

قم سو فنجالٍ ونظف ادلاله

ريحه لراع الكيف يجلي اعماسه

اشعل ولونه مثل دم الغزاله

لاذاقه الراقد يحارب نعاسه

في مجلسٍ تدله إلى جا مجاله

اللي عن اللجات يقصر حساسه

والا ترى بعض المجالس عذاله

لامعشر طيب ولا فيه اناسه

واللي قعد به يعلم الله بحاله

مايكسب إلا منه ذنب او خساسه

يجيك دبٍ مايعرف المساله

لاجاء المثل من بعض الاجواد حاسه

تصدر الهرجه يبيها لحاله

ما ينتميز وارده ويش ساسه

اصبر بحكم الله ولو ما تعشيت

وخلك معك عن بعض الاجناس شيمه

انا على الناموس يانفس عييت

إما اصبري والا عطاك الحريمه

يازين نوي منك مايطوي الياس

من العناء والضيم جاء ماكفاني

تعبت من عد الليالي بالافلاس

برقت في ديني وربي هداني

وشلون انا بسني ولا رايس راس

ان كان هو ماراس مانيب ساني

زهران عون الله المطيري - بريدة

صفحة الجزيرة الرئيسية

رأي الجزيرة