اياتلّ قلبي تل غربٍ ربع سانيه

ما عيَّن منه غير العراقي براس أرشاه

على أبو دليق فوق دمث النحر كاسيه

حَمَار وبياضٍ يشبه النَّو من منشاه

أتشعشع خلول البدر لا فرَّقه بيديه

يشادي الضباب اليا تعدى القمر غطَّاه

على عود موز جاري الما مع ساقيه

ووردٍ على زمّة نباته قراحٍ ماه

الا يا عيون اللي كشف برقعه راعيه

يتل السبوق وقام راع الولع يشعاه

الا يا رسولي بلّغه ما قدرت أجيه

سلم لي عليه وخذ سلامه وعطنياه

لا قالو تحبه قلت ما عادني بابيه

وأنا أشفق له أشفق من سقيم المرض لدواه

أقوي عزومي كنّ معاد عندي فيه

وأنا والله إني مونسٍ البلا وأكناه

عروق الحشى ما تنبت الاّ على طاريه

تنامى على قربه وتهجر على فرقاه

فترى من يعذل مولعٍ من هوى غاليه

مثل من يحاول يعدل السيل من منحاه

فأنا شفت ناسٍ صلحوا فالهوى تشويه

لا عيَّن وليفه مخلصٍ كلّ يومٍ جاه

لو انّ الهوى ذا النوع محدٍ تعذّب فيه

الكل أهتنى فالحب حتى الطلي والشاه

سعد بن جدلان

صفحة الجزيرة الرئيسية

رأي الجزيرة