أحب أخاوي من تربى على الطيب |
رجلٍ سنافي فيه من زين الأطباع |
من روس قوم ينطحون المواجيب |
ابن الرجال اللي يعرفون الأسناع |
حرٍ ولد حرٍ عطيب المضاريب |
له مع زحول القول مدخل ومطلاع |
رجل شجيع ولا عليه أيّة صعيب |
معروف فعله كان شانن الأوضاع |
قرمٍ نهار العسر ماله مجانيب |
له ماقف بين الرجاجيل ينذاع |
وإلا ردي الناس ماهو لي صحيب |
لاشك ماني للرديين تبّاع |
أهل النمايم حافظين الأكاذيب |
مجمعين القول شينين الأطباع |
سود القلوب مفرّقين الأصاحيب |
ما منهم اللي ساعة الضيق نفّاع |
محمد وليد العريدي |
|
