ارفعي يا بلادي راية العز فوق |
دام عزك عزيزه من قديم وجديد |
عزك اللي خلق بالكون كل مخلوق |
علَّ عزك يدوم وعلَّ نصرك يزيد |
يا بلادي جميلك فوق شرحي يفوق |
ما يعبر عن اللي تبذلين القصيد |
الوفا لك طبيعه للصديق الصدوق |
والعدو عنك مد حور وذليل وزهيد |
من نهار ابو تركي لك عشيق معشوق |
زال عنك الظلام وصار حظك سعيد |
صار له فيك شوق وصار فيه شوق |
يا عشيقة بطل مانتي عشيقة بليد |
اختيارك جميل ولك بالابطال ذوق |
يا وفيه نفلتي بالوفا كل غيد |
اعتليتي جواد للمعالي سبوق |
يوم ربي فزع لك بالشجاع الفريد |
ساق صقر الجزيرة دونك الروح سوق |
لين وحد كيانك في زمانك وحيد |
يوم فتح الرياض لشمس عزك شروق |
من هاك اليوم عيد إلى هذا اليوم عيد |
الك ماضي جميل وحسن حظ ووفوق |
الله أكبر شعارك والوفا لك رصيد |
وحاضرك يا جميله في جمالك يلوق |
عهد أبو متعب لمغوار ضد الضديد |
سورك اللي حماك واللمعادي يعوق |
ليث غابه من العدوان باسه شديد |
احتموك الملوك من العدو الحموق |
عاش راس المليك وعاش راس العضديد |
أبو خالد إلى من جف ريق الحلوق |
يضرب اللي يضدك في يدٍ من حديد |
لو تدور الرحا يسحق عدوك سحوق |
سطوته تزعل الضد وتعز الوديد |
وعاش نايف لنا درع وحماية وطوق |
قائد الأمن كيد اللي نوى لك بكيد |
اعتليتي وقلب اللي حسدك محروق |
فوق روس العوالي غردي بالنشيد |
حقنا منك وصل ولك علينا حقوق |
نحتميك بظفرنا كان حمي الوقيد |
كد عطينا عهودٍ وافيه ما نبوق |
نبذل الروح دونك فدوة لك تبيد |
نحتميك بشجاعة نابعة من خفوق |
نقتدي في عمر وبخالد ابن الوليد |
من هواك العدو محروم حتى النشوق |
حينا يحتميك ومن توفى شهيد |
عوض ناصر الحربي - بريدة |
|
