يا شبيه الريم يا الطرف الخجول |
يا عيون الحر يا بها الجمال |
يا فريد الحسن يا الريم الجفول |
واصفك اشبه ما يقارب للخيال |
من جمالك تسلب اصحاب العقول |
وعذابي من غرابيل اليال |
فيك من ريم الفلا طبعا يهول |
اذكرك لا شفت هذاك الغزال |
يا عنود الصيد يا بنت الزحول |
ما علينا من حكي قيلا وقال |
يا شبه وضحا تباري للرحول |
تصتفق بالذود كن فيها جفال |
بكرة محد لغاربها يطول |
هزعة بسناد زاويها الحيال |
وارجع لبنت على قلبي تنول |
والهوا طوع صناديد الرجال |
لا تريضني وانا طبعي عجول |
لا دعيتك يا بعد روحي تعال |
دار حول ودار عقب الحول حول |
وانت مبعد ليه يا سمح القبال |
احسب احساب الطلوع من النزول |
واحسب حساب الطمان من الجبال |
ولنا من باقي الناس معزول |
كن في قلبي من الهاجس خلال |
ما تشوف الحال صاير في نحول |
منحني زولي كما قوس الهلال |
لا تخليني كذا جالس واقول |
حسبي الله من قلب حالي لحال |
عاتي لا صرت ملقالاي قبول |
ابتعد لو كان في بعدي زوال |
جاك قولي وانت قلي وش تقول |
قول رح واروح والا قل تعال |
شافي بن عبدالهادي بن راجس |
|
