يا مرحبا يا سايق الخير سلطان |
الشعب ردد مرحبا يا هلا به |
في دار ابو ناصر هلا عد ما بان |
نجم تعلا في السما واعتلا به |
طير السعد غرد على خضر الاغصان |
والدار هلت غيثها من سحابه |
سالت على أثره من القاع وديان |
يفرح بها الضامي نهار مشابه |
احترت ادور لأعذب الشعر عنوان |
واخاف لا توفي معاي الكتابه |
سلطان يا جزل العطايا بليهان |
ملغي وجود المشكلة والكآبه |
سلايل اللي راح من فوق ريمان |
سرى على ريمان واتعب ركابه |
من دار اخو مريم تحرك علشان |
ينهي صراع اهل الفتن والذيابه |
عبدالعزيز مثبت الحق باركان |
ماله زهاب إلا الشجاعة زهابه |
خلا الجزيرة كلها بأمن وأمان |
واستبشرت بالقرم مكه وطابه |
واكرر الترحيب قدام سلمان |
سلمان سلمان الفخر مرحبا به |
وكان الكويت بضيفه اليوم فرحان |
الله يعينك يا الرياض بغيابه |
خمسين عام وسيرة المجد تزدان |
بالطيب وامجاد الزمن والرحابه |
وبلادكم يا سيدي شانها شان |
دار النبي المصطفى والصحابه |
منها طلع خير البشر نسل عدنان |
دار الشرع والسيف يشهد نصابه |
مرفوع بيرقها على كل ميدان |
بيرق هل التوحيد عز ومهابه |
صقر العروبة حطها وسط الاعيان |
والشعب حطه بالصدر واحتفا به |
وحنا معاكم كلنا ربع واخوان |
بين الكويتي والسعودي نسابه |
الدم واحد والغزو خير برهان |
يوم انتهض فهد العرب بالعصابه |
في سبعة اشهر رد الها كحيلان |
قال البلد للشعب ماهي نهابه |
الطيب يجري فيه مع كل شريان |
يالله يالمعبود عطر ترابه |
وانتم حماة الدار من كل شيطان |
وانتم ستار الدين وانتم حجابه |
وانتم هل العوجا مقاديم فرسان |
وانتم ذهاب اللي سعى في ذهابه |
واهل الخليج بساحة الحرب شجعان |
متكاتفين وللعدو بالحرابه |
لهم شكر منا مع الشكر عرفان |
اهل المواقف والوفا والصلابه |
ودار الصباحي رددت عذب الالحان |
صباح الاحمد طاري المجد جابه |
صباح صبح لكل تايه وحيران |
على دروب المرجله يقتدا به |
حاكم سياسي لاصدق الحق ميزان |
دون الوطن سقم الحريب وعذابه |
ولي عهده سيدي طير حوران |
اما صعد للمجد والا رقابه |
ثبت على روس المراقيب سيسان |
نواف الاحمد رمز ود وحبابه |
وناصر محمد مع هل المجد رويان |
كن المراجل كلها من شرابه |
فاتح على طيب المواقيف بيبان |
رحب وهذي ما وراها غرابه |
واليوم هذا غير ياذرب الايمان |
حييت ياللي كل مجد التوابه |
يا ضيفنا ومعزب الضيف كسبان |
جابر مبارك فزعة اللي هقابه |
جابر عديل الطيب والمجد لاهان |
فعايله تذكر وكل درابه |
في البرد طيبه يضفي لكل بردان |
وفي الصيف ظل ولا يخيب الرجا به |
عنده على تثبيت الاهداف نيشان |
ما يرمي الاداري عن صوابه |
شيد مع التاريخ للمجد بنيان |
الطيب يشهد له وحاسب حسابه |
الله يجيره من صواديف الازمان |
ويالله عساها دوة مستجابة |
ومن منطلق نظم القصيدة بالاوزان |
بقولها عن سيدي بالنيابه |
يا مرحبا يا سايق الخير سلطان |
الشعب ردد مرحبا يا هلابه |
في دار أبو ناصر هلا عد ما بان |
نجم تعلا في السما واعتلا به |
فيصل محمد العتيبي |
