رفقة رفيق المصلحة خلها عنك

ما تدوم لو طالت لياليك معها

تطعنك فيها الناس من قبل يطعنك

دعها قبل لا تموت مقهور دعها

رفقة رفيق للعرب ما تبينك

بعز النفوس اللي فخرها طمعها

رفقة مذلة غيرها وش يبي منك

من مصلحة نفسه عليك اصطنعها

غرقك واهانك واستهانك وهاينك

طيبك على قلة ادراية سنعها

أفطن وفكر وانتبه لا يتحينك

بالفرصة اللي بالوفاء تنخدعها

أنذل عباد الله عن أيسرك وأيمنك

بانحى الفجوج يضيق بك متسعها

لا ترافق الا من لذاتك مخادنك

ذاتك لاذته من ولعها ولعها

على غراته لا تبينت وآمنك

أمين نفسك في رضاها وجزعها

متبادلين أمان سر يمكنك

على الحياة وعدلها ومهزعها

ما كنه إلا عن هل اللوم زابنك

عن كل خلق الله على مرتفعها

ما يطمنه قدرك ولا هو مطمنك

قيمتك عنده شافها من سمعها

يا لين كل بالجزيلة تعينك

شريعتك له بالمعزة شرعها

والا المصلحجي لا حشا ما هو ضامنك

ياخذ يقول أشري لها وأنت بعها

يا هيه يا اللي ما جهلنا تمسكنك

بعها بفرقا يوم عرفتك بعها

نفسي عزيزة شامخة ما تواطنك

ونفسك عساها من وجعها وجعها

نايف بن بادي الحربي

صفحة الجزيرة الرئيسية

رأي الجزيرة