اللي فقد مثلي عزيزٍ من الناس

لا حوله أناسه ولا البسط حوله

ما حوله إلا الحزن والدمع والياس

متقاسمين أحشاه عرضه وطوله

ليت العطب بالمال وأقول لا باس

المال يفنى والذلول معقوله

لا شك فرقى صاحبٍ ما له أجناس

بالطيب والنخوه وصدق المقوله

وانا رحيل بداح معمسني اعماس

لولاي مومن ما اقتنعت بقبوله

النادر اللي خوته ترفع الراس

كل يقوله مثل ما نيب اقوله

يبكيه من يملك مفاهيم الاحساس

اللي بخص قدام قوله فعوله

ويبكيه من يشفق على كل نوماس

الكوكب اللي ما تمنيت افوله

يا ما رحل من غالي طيب الساس

لكن رحيل بداح ما به سهوله

أهون علي أشرب من السم بالكاس

ولا تخيل موقف شفت هوله

أكن عبراتٍ تجاذبها الأنفاس

والقلب يرثى حالته من ذهوله

يا الله عساه بجنةٍ كلها اوناس

يا مستجيب لدعوة اللي دعوله

وصلاة ربي عد ما هب نسناس

على نبي الله محمد رسوله

علي هليل الحربي

صفحة الجزيرة الرئيسية

رأي الجزيرة