يا علي ما شفت حالي يا ظنيني
|
ما هنوف شاية القلب اشلعتها
|
يا علي عذروب خلي شارتيني
|
مع سواد عيونها طول ارقبتها
|
توها شافت غزير الزين عيني
|
طارت الغدفه وشفت اللي تحتها
|
دلعت والقرن الاشقر زافتيني
|
يا صباح الخير يا لحو اطخمتها
|
عين ريم ذيروها مسلحيني
|
قادت الغزلان والريم اتبعتها
|
شافت القناص يدرق بالبطيني
|
وسمعت البارود بالخايع رمتها
|
شبه حمرا ربعت بالقرينتيني
|
سلفت قدم المظاهير وتلتها
|
من حراير جيت وسام الرديني
|
نضوة الي ترهب القوم انخوتها
|
ليتني ما شفت وضاح الجبيني
|
غزتي لي يا علي روحي خذتها
|
يا الهنوف اخذي ذلولي وامنعيني
|
عندكم تصلح ولا عند اورثتها
|
كل ما قلت اعطفي ثم ارحميني
|
ما تخاف الله ولا تدرا بختها
|
دهيمش بن عبار |
|
المرجع: قطوف الأزهار - عبدالله بن دهيمش بن عبار |
|
