قصت احبالك من عقب وصلها مي
|
واستبعدت من عقب ما هي قريبه
|
ومن المحبه ما بقى عندها شي
|
صارت عقب ذيك الصداقه حريبه
|
استبدلت من عقب الاسعاف باللي
|
واستيفست يا صاح ذيك اللبيبه
|
امتر صافي مايها العذب وانطي
|
اصرى ولا ظنيت يصفي جليبه
|
ولا هقيت يعود لي ذلك الفي
|
هيهات مرجوع القمر من مغيبه
|
الا ان تعود عصور شداد ولوي
|
والا الصبا يرجع لعود وشيبه
|
ياويل قلبي من بلاويه يا وي
|
الله الاحد ويلاه يا هي مصيبه
|
اعدم بقايا صحته منهج الغي
|
واتلاه صرف الوقت حطه ضريبه
|
تسمع حنينه كل ما بالحشا ضي
|
حنين مسيوق الرياح الصليبه
|
يدوي ولا من حركه ذكرهم هي
|
وازداد من فرقا الحبايب نحيبه
|
وان ليم صمصم ما يطيع العدل عي
|
مفتون كثر اللوم عيا يجيه
|
مالوم كن بضامره يرسم الكي
|
لي من ذكر قطع الرجا من حبيبه
|
نوحي حمامه كل مانحت والعي
|
غريب وانتي يا حمامه غريبه
|
الكل منا ظامه الوقت والني
|
والي شكا ما شاف له من يثيبه
|
بشكي عليك الحال وانت لي إشكي
|
وتعززي لي لو على غير ثيبه
|
قالت ربوعك وينهم قلت ماشي
|
قالت: بلى وين الذي تعتزيبه...؟!!
|
قلت الذي تعنينهم ذبو الطي
|
واللي تحريته بهم صار خيبه
|
تعذروني يا حمامه بلا شي
|
يوم استمت حبلي وشفت الغليبه
|
خلوني الخلان واستعذر الخي
|
اللي ذخرته للخطوب الصعيبه
|
واللي نخيته عقبهم صابه الدي
|
يا عونة الله وين من نلتوي به
|
محمد بن عبدالوهاب الفيحاني |
|
