يا خالي القلب همي ساكن بعيني |
من وين ما دار شوقي شفته اقبالي.! |
همي معي من مداد الحزن يسقيني |
يحرق صحارى الخفوق يدمر احوالي |
يا شعلة الشعر نارك تشتعل فيني |
هي فايدة همي اللي صار موالي |
تجري حروفك معي داخل شراييني |
حبك سرى بي بدربٍ ما به ازوالي |
لولا وجودك قصيدي وش يسليني |
يا صاحبي يا شقيق الروح يا الغالي |
لو هبت الريح لو ضاعت عناويني |
والناس كلٍ يعيش فبرجه العالي |
لا ضاق صدري تجيني ما تخليني |
وتشيل عني سبب همي وغربالي |
تمسح دموع الحزن عني، تواسيني |
تشعرني بفرح ما يخطر على بالي |
لولاك تطفي لهيب الهم يمديني |
جنيت والا احترقت بحره الصالي |
عن رفقةٍ ما تسر النفس تغنيني |
لا طاب نوم الثقيل وقلبه الخالي |
دونك قصيدي همومي تسكن بعيني |
من وين ما دار شوفي جتني اقبالي |
بدر البدور |
|
