يا صدري اللي ضايق اليوم منتَّك |
هموم وقتي تشبكه ثم تتكَّه |
وقامت هجوسي وسط الأضلاع تحتَّك |
مثل المخل في وسط قلبي تشكَّه |
ضيعت عقلي واصبح للبال ملتَّك |
كني صويبٍ والمصايب تصكَّه |
ليه التجافي وأنت ما هي بعادتك |
حملتني يا زين هم ومضحكَّه |
أنت الوحيد اللي بقلبي محبتك |
واضح ولا به في كلامي مشكَّه |
عز الله إني مغرم في مودتك |
فكري إلا أمسى جا خيالك ودكَّه |
حرمتني من همس صوتك وشوفتك |
رديت قلبي منك، ما فيه فكَّه |
حالي تردى ثم تدهور بسبتك |
عزاه يا قلبٍ زمانه يعكَّه |
أعلمك وشلون صارت قساوتك |
كنك لقلبي فوق جمرك تركَّه |
فهم بداح الدوسري |
|
