كلي معك وإن ما كفى.. كلني لك |
تعال خذني وخطوتي تسبق خطاك |
أجيك ضامي وأرتوي قبل لا أوصلك |
وأوصلك وأضمى وأرتوي وأرجع اضماك |
القاك فيني والتقي فيك داخلك |
وأخاف لا أشوفك ولا عاد القاك |
وأزعل على نفسي ولا أقدر أزعلك |
حتى الزعل فيني يدور على رضاك |
شفني يثير الصمت فيني تأملك |
ويثور قلبي من سهم رمش عيناك |
هتان شعري ما قوى عن تجاهلك |
ما صد حرفي عن ملامح محياك |
يضيع وصفك مع بدايات أولك |
وأبداً من الآخر وأضيع بحلاياك |
إيه انكسر وجه الدلع يوم قابلك |
إنتي الدلع؟ وإلا الدلع هو تبناك |
والورده اللي شلتها بين أناملك |
تفتحت لا صارت بكف يمناك |
تروي من عروقك وتعكس تعاملك |
وتسرق من أنفاسك وتآخذ مزاياك |
أنت الغلا ومنك الغلا فيك يسألك |
الحب أصل الحب ما كان لولاك |
كلي معك.. عفواً أنا كلني لك |
تعال خذني وخلني دوم وياك |
علي العنزي |
|
