الشعر هاجس منبعه قلب ولسان |
وانا مخاويني من الصغر معناه |
أحيان يرويني ليا صرت ظميان |
واحيان يظميني على جال مسقاه |
أغوص به غبة بحر مالها أمان |
ولولا خطر موجه فكل تهقواه |
واليوم هاجوسي محضر على شان |
اللي أخذ من فيصل المجد حلياه |
ما هو بحاجة مدح لكنّ عرفان |
أنا أشهد انه من طحاطيح وادهاه |
فيه السياسة والشجاعة والايمان |
محنك ينهك خصومه بدعواه |
ما يفوّت الغلطة وبالحق ميزان |
يكفيك نظرة حر لاقبل محياه |
سعود بن فيصل سلايل كحيلان |
يا حي هالاسم وياحي طرياه |
في راي عبدالله وفي راي سلطان |
عن الوطن والدين متعب مطاياه |
وحنا وطنا ما يثمن بالاثمان |
بالمال والأولاد والروح نفداه |
دار النبوة والمروة والاحسان |
نعيش فيه بعز ونموت بحماه |
اقبل تحية عسكري وسط ميدان |
يفخر بشخصية ويومن بمبداه |
جازي بن جزاء الشعيفاني الحربي |
|
