يا مبعدٍ عيني من الشوق تبكيك |
مثل اليتيم اللي فقد والدينه |
ارحم جريح القلب لا صار مغليك |
يبكي يبيك ونوب تسمع ونينه |
أنا الجريح اللي من الناس مهديك |
قلبي أسيرٍ لك وروحي رهينة |
المتجه لو غبت ما هو بناسيك |
إلا إذا غابت عن الناس عينه |
ياما تمنى في لياليه ياتيك |
لكن جروح القلب عيّت تعينه |
أعلل النفس الحزينة بطاريك |
نفس من الفرقا تحن لضنينه |
مقدر أقول امسك جروحي بياديك |
خايف جروح القلب تحرق يدينه |
المتجه للمجهول |
|
