لا تفتح البيبان والصدر مقفول |
ارجع لصدرك قبل ما تفك بابك |
ما جيت لك تايه ولا جيت مرسول |
ولاني على هبك المشاوير هابك |
جيتك وأنا فيني مشاريه وقبول |
وأقفيت وخيوط الزعل بي تشابك |
الحر يفهمها على كل مدلول |
حتى لو أنه ما تحرى جوابك |
قلبك بخيل وكفك اليوم مشلول |
وعذرك تعذر من مصيبة مصابك |
يكفني الحاضر وماضيك مجهول |
يكفني الحاصل وحضرة غيابك |
هذي سنه مرة من الحول للحول |
لا جابني صوتك ولا الصوت جابك |
تبرق وترعد ما حصل منك هملول |
يا كبر ظني في ركايم سحابك |
ماهر عبدالله الجهني - المدينة المنورة |
|
