تو ما راق الفكر والقاف طاب وجاء مجاله |
القريحة جم والضامر تهيض بالمثايل |
ما حلا صخر المعاني بالرجال أهل الشكاله |
فيك يا سلطان يا رمز الوفاء جزل الفعايل |
يا عريب الجد ساس المجد سعد اللي شكاله |
خيرٍ والجود طبعه للخساير ما يسايل |
ذا ولي العهد زيزوم المراجل حي فاله |
حارسٍ للدار يرسي ضاريٍ للحمل شايل |
من حرارٍ يا ردون الموت والشاهد فعاله |
كم غريمٍ من على الزرفات وروه النكايل |
الزعيم ابن الزعيم اللي طويلات حباله |
متحمينه قوةٍ بالسيف والخيل الأصايل |
في غيابك يا وسيع العرف كلٍ ضاق باله |
وفي قدومك عمت الفرحة وكل الهم زايل |
مالكٍ كل القلوب الكل يا سلطان قاله |
المواطن والوطن تغليك يا راع الجمايل |
يا بلادي يا بلاد العزّ يا مهد الرساله |
الفخر لك بالملوك اللي تعدل كل مايل |
حاكمينه بالشريعة لا يمين ولا شماله |
مصدر التشريع ساسه ما رتضت غيره بدايل |
والشكر والحمد للي بالشدايد يلتجاله |
الله اللي عزَّنا في عز حامين الدبايل |
تو ما راق الفكر والقاف طاب وجاء مجاله |
القريحة جم والضامر تهيض بالمثايل |
فهد بن عبد العزيز الرميان - بريدة |
|
