كريم يا برقٍ برق تالي الليل |
يفز قلبي كل ما شوف نوضه |
برقٍ أليا منّه برق فالمخاييل |
كن المخايل بز والبرق موضه |
يلمع على صدور السحاب المقابيل |
ويكشف على بعد المسافه عروضه |
كنه بشير يبشر الأرض بالسيل |
ويبشر اللي معلفه جنب حوضه |
لاقام ربانه يهل الهماليل |
والعشب فقّع وابتدا في نهوضه |
وجرد الفيافي بعد ما كانت تهيل |
تشكلت لين اصبحت شكل روضه |
إنزاحت همومي واخذت المعاميل |
مع واحدٍ ما كل هرجٍ يخوضه |
رجال يحسب من خيار الرياجيل |
عرفه يساوي ما كنز بابعوضه |
أطلع وأسلّي خاطري بالتعاليل |
لو كانت الأحزان في امحفوظه |
نشمي حامد المويعزي |
|
