الطيف يالمهجوع في ناظري لاج |
وانته لو انك فالتويبع ومسروج |
عيا سنا نجمة مشارقك ينباج |
والبرق ماله في حناديقك لعوج |
لا واه انا مالي عقب طولك علاج |
الا ليا من القمر جزَّر الموج |
ولا ليا من السنا للدجا باج |
وزم الحجا الزامي ورى هبج ورتوج |
واستاقني صدر شكا ضيق واحراج |
يسوق ساق للمراقيب ناهوج |
وليا تهاوت للنظر برح الازراج |
وشميت من نقر الصبا الصبح ساهوج |
ما عاد للفرقا دواع على الزاج |
لاكنها نوج ولا ابديبها نوج |
سبيلها دمع على الخد هداج |
وارهامة من هولها القلب مفجوج |
عليك ياللي للمعاطيش بهاج |
يالجوهر اللي لك تواهيج ساروج |
يلهق على متنك من الليل ديباج |
كنه ورى عنقك مثل عاقب الغوج |
وسود سهمهن باوسط القلب خجاج |
مع رمشهنه طلسم السحر ممزوج |
اظلال براق غراق للامهاج |
براق صيف ما اقتفى خليته هوج |
واليوم يا خشم الينوفي ورى الساج |
ما يلتفت لارقاب رجوايه العوج |
فاروق الكسر |
|
