ما كل ما نكتب من الشعر نلقيه |
أغلى القصيد يموت في وسط الادراج |
الشعر لا ما صار واقع نعانيه |
يصير للي يسمعه مصدر ازعاج |
شعرٍ يخلد فالعرب طيب راعيه |
وشعرٍ يجيب صاحبه هم واحراج |
أصدق قصيد اللي يجي دون داعيه |
فجأه يجيك بلا بروفه ولا أخراج |
وقلبي اللي كل ريح توديه |
مثل السفينه بين غبات الامواج |
البارحه والليل كله مشاريه |
انا وقلبي بيننا وقفة حجاج |
على وليفٍ كل ما حل طاريه |
يفز قلي لا ذكرته ويحتاج .. |
أني على بعض الخطايا اجاريه |
وأنا أحسّب حساب شامت وهراج |
ناسٍ تجيب الهرج ناسٍ توديه |
طموحها التزييف فكره و(مونتاج) |
والا أنا في ذمتي اني اغليه |
هو عارف انه ساكن بقلب فراج |
فراج بن سحمان المطيري |
|
