الجود طود ونية الخير مرقاه |
ودليله الحكمة وبذل العطيه |
احد رداء نفسه عن الجود أعماه |
وما هي غريبة لو تجي منه سيه |
والناس ما تحسب حسابه وطرياه |
يا (بقة) بأثل (الدعيسة) خفيه |
واحد مع الأجواد تذكر مزاياه |
في غيبته يفقد ويعرف مجيه |
والناس تدعي له وتشكر سواياه |
شمس الضحى بالبرد وبالقيظ فيه |
لقنص الجمايل ما يريح مطاياه |
له في سبيل الخير روحه وجيه |
والطيب راع الطيب بالضيق يلقاه |
ويندم على ما قيل راع الرديه |
سالم بن محمد السالم – بريدة |
|
