سلام يا موطن صناديد وابطال |
المملكة فيها ربينا وكنا |
وسلام يا حكامها فخر الاجيال |
افخر بهم واسعد بهم يا وطنا |
قادة وطنا بالوفاء مضرب امثال |
قادة وطنا قادة الشعب منا |
بعد الحروب وبعد حل وترحال |
ومخاوف تنهال منا ومنا |
قام الزعيم اللي على الخيل خيال |
واسس ووحد موطنه ماتونا |
عبدالعزيز متوج القول بافعال |
مواقفه عبر الزمن يشهدنا |
الخيل ترجف صابها منه زلزال |
والسيف من دم الاعادي تحنا |
وحد بلاد كانت اشتات وقتال |
وصار المواطن بالامان يتهنا |
عن منهج الاسلام والحق ما مال |
اطفى حروب في الجزيرة تشنا |
والشعب كله كنهم نسل رجال |
بعد التشتت والحروب ارجهنا |
وارث ملوك ترتكي عند الاحمال |
افعالهم طول الدهر يشفعنا |
عسى لهم في جنة الخلد منزال |
وانهار تجري مع قصور تبنا |
واليوم في عهد البطل طيب الفال |
عبدالله اللي شال الاثقال عنا |
كفه على شعبه كما الغيث ينهال |
زار المناطق كلها واطمانا |
لاجل الوطن ما يستمع قول عذال |
وصار الوطن روضه بها الطير غنا |
صار الوطن في قمة العز يختال |
امن وأمان وجامعات تبنا |
ينظر لوضع الشعب في كل الأحوال |
بدعمه نشوف ان السلع يرخصنا |
وهم المواطن من فعل قايده زال |
يالله على رد الجمالات عنا |
وولي عهده نجدته يوم الاهوال |
وقت الوغى كان الخيول ارجفنا |
سلطان ما يذخر ذحيره ولا مال |
ينفق بطيبة نفس من غير منا |
ونايف امير الامن بجهود ورجال |
قضى على الارهاب واللي شحنا |
وسلمان نور العاصمة واف الاخصال |
طور مرافقها بفكر وفنا |
الله يديم ملوكنا درع وظلال |
هم ذخرنا كان السنين ادبرنا |
حكامنا منصى الذي صكه الجال |
يزول هم اللي عليهم تعنا |
لاجل العرب غيث مديم وشلال |
فخر العرب عز العرب في زمنا |
ولاجل وطنا فعلهم يبهج البال |
وحدة وطن صارت على ما تمنا |
ما نعبد اوثان ولا جسم تمثال |
موحدين الله عليه اتكلنا |
والختم صلوا عد ما هل همال |
على الذي في دعوته ما تأنا |
شعر /عبدالله بن حمد السبر |
منطقة الرياض - محافظة ضرماء |
|
