حيا الله اللي يغيب ويسرع الرّده |
اللي يجيني الى منه تباطاني |
قلبي يوده وحالي كنه القده |
ودي بشوفه ودونه حوم عقباني |
ياصاحبي جارك الله وش ها الصده |
مهوب حق تولعني وتنساني |
ان كان عندك حكي بي خامل الدسه |
فانت المصدق وانا حقي وما جاني |
اهرج على ما تورّى والبخت بده |
لا تستحي يا بعد حيي وحياني |
ترى حلاة الهوى لا طالت المدة |
مهوب يوم صديق ويوم قوماني |
وان كان ما انت بمصافيني على الشده |
وقت الرخا واجد ربعي وخلاني |
سليمان بن شريم |
|
