لا واهنيه وحد ما شكى الهم |
ما شدته ضيقه ونفسه بكاها |
قلبه صحيح ما رشف ضيم واغتم |
سالي.. ودنياه الرديه نفاها |
باسه شديد.. راسي الساس ما اهتم |
يضمر جروحه.. لو تطاول بناها |
شكواي لله.. كان للجرح بي فم |
ثرثار من يومه.. حياتي غزاها |
الدمع حي داخل العين يا كم |
يذرف على الخدين يطفي ضياها |
ما كنه إلا لحظة الموج ف/اليم |
من حرة الضيقة ومن حر داها |
حزني ينادي من وسط خافقي قم |
يا جرح أبطأ بالمحاني كواها |
يا ليت قلبي من حياته تعلم |
وأتقن دروس المعضله واحتواها |
ما كان وجه الجرح يسري به الدم |
وما كنت أنا اسمح لي خفوقي يطاها |
من كثر مآبي.. قلت للجرح يا عم |
الروح تشكي.. و أنت سبة عناها |
دلال الوجع مشروب وبهارها سم |
وأنا احتسيه بداخل الجوف ماها |
والحين آنا مليت وأرجوك.. قل تم |
هذي خفوقي.. عفتها من بلاها |
جاتك ولك حرية الآمر.. واعلم |
ما اجيك أدور.. بعد هذا دواها |
حنان آل فاضل |
|
