نسمة صبا نجد تذبحني وتحييني |
لاهبت إعصير شرقيه شماليه |
برادها ينعش سخاف الشراييني |
وينتابني شعور مفعم بالرومنسيه |
وتطري علي الطواري لين تقصيني |
وجواي أحس إنها ما هي طبيعيه |
واذكرك يا طمعتي في باقي سنيني |
اذكرك يا كاوين قلبي مية كيه |
وعن غيبتي لا تقولي أنت ناسيني |
وشلون ابنساك وانا مخلص النيه |
أعيش تحت الأمل والهم طاويني |
وليا تقدمت تفضحني خطاويه |
وصورتك ثبتها في قلبي وعيني |
وخليتها دائماً للعين خلفيه |
يلي غرامك معذبني ومشقيني |
تيار حبك جذبني شويه شويه |
والموت ما هو صدودك يا مجافيني |
الموت للحقتني سيه ورى سيه |
ويا ناعس الطرف تكفى لا تخليني |
وتذبح مشاعر خفوق بالغلا حيه |
وأنا على العهد معروفه عناويني |
أبنتظر واترجى موعد الجيه |
تركي بن مدعج |
|
