كنك معي والليل ضوى سراجه |
يا غايب عن الوطن عدة ليال |
إلا أنت حاضر روح حبي وتاجه |
في داخلي تجري على كل منوال |
مثل النسيم بفجر وقت انبلاجه |
يعزف مع انوار الفجر لحن موال |
لحن يعدل فيه شعري مزاجه |
كنه يجالسني على بن ودلال |
يضحك يروق بالسوالف احجاجه |
وانا خفوقي بين الأضلاع يختال |
في روض ما به حي بالعمر داجه |
مع نجم ساري بالدجى دوم رحال |
عبر الفضا والكون ما اوسع فجاجه |
فيه النجوم أجيال وأجيال وأجيال |
نار لهبها عالي.. في هياجه |
يطرد ظلام الليل والبرد لاميال |
لكن بدونك يا بعد كل حاجه |
من ضحكتي لسنين عمري والأموال |
كني فقدت الشوف عز احتياجه |
كني فقدت الروح وأصبحت تمثال |
دونك اشوف الوقت ثاير عجاجه |
زود عذاباتي على ضيقة البال |
والليل ضوى من دموعي سراجه |
يعزف مع الوان الألم لحن موال |
بدر البدور |
|
