راح يا حضن المسمى للبقوم أكبر فقيده
|
وراح لي أكبر صديق فالعمر ما لقى بداله
|
ذاك فيصل يا عسى روحه من المولى شهيده
|
يا نهار السبت علمك راعني قبل احتماله
|
الفجيعة ما تكفيها التعازي فالجريده
|
وللقناة اللي تبث الشعر ما تكفي رساله
|
شيخ وجه ارجال خل الشعر والله ما يزيده
|
قدر يوم نعم قدره مع مقدرت الجماله
|
يا الله المعبود يا منجي على التوبه عبيده
|
ثبته على طريق الحق في ساعة سؤاله
|
وارحمه يا رب في يوم المحاسب والوعيده
|
واكرمه في جنة الفردوس يا رب الجلاله
|
المشاعر خانها التعبير في كتب القصيده
|
والمراثي في فقيد الشعر تقصر عن مجاله
|
العلم اسمه وحب الناس في غالي رصيده
|
في بنوك الطيب يكنز حبهم من دون ماله
|
اطلق احجاجين لا قابلك لو حالك تكيده
|
بش وجهه من وفاه لصاحبه دامه اقباله
|
الكرم من شيمته لا مد ما مد الزهيده
|
من دروب الطيب ما تقصر عن الجمه احباله
|
انهدم للشعر ركن وحل فالخاطر وقيده
|
وافتقده اللي منول لا حضر ملعب عنا له
|
طالب اللي كل ما يسمع ويقرا له قصيده
|
بالدعاء يدعي لراع الطيب لا يقطع وصاله
|
سعود المسعودي |
|
